Angulemako komiki jaialdia, berrogei urte eta sasoi betean

Sasoi betean ospatu du berrogeigarren urtemuga Angulemako «Festival international de la bande dessinée» ospetsuak. Uderzo marrazkilaria izan da, Asterix eta Obelix hilezkorren aita, komikizaleen «Meca»-ko izarra aurten eta, harekin batera, «bederatzigarren arte» izenekoaren urteko ekoizpen onenak bildu ziren jendez lepo egon den jaialdian. Anguleman, komikiak adin guztietako kontsumitzaileei eskainitako produktu kulturalak dira.